Жәния Әубәкірова, пианиношы, музыка пәнінің мұғалімі, профессор және ұзақ
жылдар Қазақ ұлттық консерваториясының
ректоры болды. Қазақ КСР халық әртісі.
Әдебиет және өнер саласындағы ҚР Мемлекеттік сыйлығының лауреаты.
Менің өмір қағидаларым
Білім және мәдени деңгейді үнемі арттырып отыру.
Тағдырға шағымданбай, сәтсіздіктер үшін басқа адамдарды, өмірлік жағдайларды кінәламау.
Бұзушы емес, жасампаз болу.
Табыс — бұл сәттілік пе, әлде өзіңді жетілдіру ме?
Егер сен өзіңмен, өз мамандығыңмен, айналаңмен ұзақ жылдар бойы байсалды, қайраттанып жұмыс істесең - қандай да бір қолайлы жағдайлар, сәтті кездесу, кездейсоқ оқиға сәттілікке әкелуі мүмкін.
Соңғы рет қашан өзіңіз үшін жаңа әрекет жасап көрдіңіз? Ол қандай әрекет болды?
Мен бір жылдан астам уақыт бойы
онлайн жаттықтырушымен тұрақты түрде фитнеспен айналысамын. Бұрын
айналысатынмын, бірақ жаттықтырушысыз, жүйесіз. Жаяу көп жүремін. Ағылшын тілін
оқимын. Яндекс такси шақыруды үйрендім. Мәтіндік редактордың көбірек
функцияларын пайдалануды үйрендім - туған апам мен ағамды еске алуға арналған
кітапты аяқтап жатырмын. Сонымен қатар, бірнеше телебағдарламаларциклын жүргіземін.
Сізді өмірде не шабыттандырады?
Музыка, жақсы өнер көрсету, қызықты адамдармен кездесу.
Он жыл бұрын қандай өмірлік сабақтарды білгіңіз келетін еді?
Олар осыдан 20 және 30 жыл бұрынғыдай. Кейбір нәрселерді ешқашан үйренбейсің. Адам әмбебап емес.
Өз салаңызда енді ғана дамып келе жатқандарға қандай кәсіби ұсыныс бере аласыз?
Ұсыныстар – күнделікті жұмысыңыз, азапты ізденістер, шындыққа ұмтылу болғанда өте қажет. Олай болмаса, олар босқа беріледі. Егер адам іздеп жүрсе, онда ол кеңестерге, дұрыс мұғалімдерге және жақсы сәтке, ақылды ұсыныстарға тап болады.
Шабыт сізді тастап кететін кездер бола ма?
Әрине – мен тірі адаммын ғой.
Амал қандай? Не істейсіз?
Жаттығу жасаймын, үйді жинаймын, рояльда ойнаймын, бірдеңе жазамын, достарыммен кездесемін, оларға шағымданамын, хал-жайды талқылаймын.
Өзіңізге айтылған сынды қалай қабылдайсыз?
Барлығы сияқты. Бірақ сынмен келіссем, жақсы болуға, өзгеруге тырысамын.
Сіздің өміріңіздегі ең жақсы күн қандай болды?
Ондай күндер өмірімде көп болған! Балаларымның, немерелерімнің өмірге келген сәттері, өзімнің де, шәкірттерімнің де сәтті өткен концерттері, жарыстардағы жеңістер, қызықты сапарлар, гастрольдік сапарлар, атақты адамдармен, жай ғана қызықты адамдармен кездесулер – менің өмірім бақытты сәттерге толы!
Сізге берілген ең үздік, ең құнды кеңес қандай? Оны кім берді?
Кеңес көп. Ұстаздың бір кеңесі бар еді – бәрі де болуы мүмкін, адамдар сені сатып кетуі мүмкін, бірақ музыка, рояльда ойнау – әрдайым жаныңда болады. Ол сені өмірдің қиын сәттерінде құтқарады.
Әр адамға неге талпынып көруді ұсынар едіңіз?
Мұңаймау! Өзің үшін және қоршаған орта үшін пайдалы нәрсе жасау.
Сіз не үшін ризасыз?
Барлығына ризамын. Мен осындай өмір сүретінімді ешқашан армандаған емеспін.
Не туралы армандайсыз?
Ғарыштық ұшулар туралы...
Сіздің басты қорқынышыңыз не?
Шындық сезімін жоғалту.
Жаныңыз бен жүрегіңізге не тыныштық әкеледі?
Отбасы, балалардың жетістіктері, туыстар мен достардың амандығы.
Өмірдегі ең басты нәрсе не?
Денсаулық – дене денсаулығы және рухани денсаулық.